inicio |
servicios |
opinión |
recetas |
santoral |
especiales |
sugerencias |
webmail |
promociones
José Ignacio Silva Regueira, de Carballo, de 29 anos, acadou o Premio Ourense de Contos para a Mocidade que na súa 25ª edición, convocaron a Casa da Xuventude e a Agrupación de Libreiros de Ourense, co patrocinio da Concellería de Cultura do Concello de Ourense e a Delegación Provincial da Igualdade e do Benestar, como contribución á festa do Día das Letras Galegas.
Pola obra “Catro esquinas” recibirá 800 euros, ademais de vela publicada. “Trátase dun relato que evoca os felices ou atormentados pasado, presente e futuro de varios personaxes que gozaron todos de diversos ceos e infernos en diferentes tempos vitais, mesturando as voces narrativas, ao igual que o fan os personaxes nas pequenas historias que conforman o relato” en opinión do propio autor.
José Ignacio Silva Regueira. Carballo, 1978. Licenciado en dereito pola Universidade da Coruña. Afeccionado á guitarra, á lectura, a escribir e ao deporte en xeral. Levou o primeiro premio do concurso GZcrea 2006 de creadores novos na modalidade de relato, convocado pola Dirección Xeral de Xuventude e Solidariedade.
Na conmemoración dos 25 anos do certame, a Concellería de Cultura do Concello de Ourense instituíu o Premio Eduardo Blanco Amor, para os estudantes matriculados nos centros de ensino ourensán, dotado con 500 euros, correspondéndolle a Roberto Rodríguez Álvaro, do Instituto Blanco Amor, polo conto “O xardín do noso veciño”
Tamén se publicarán os catro accésit, que recaeron en Mónica Fernández Armesto, de Paradela (Lugo), polo conto “Escravas, princesas e unha muralla”; Cristina Ferreiro Real, de Lugo, pola obra “Conversas”; Miguel Segador López, de Ourense, polo conto “Pantasma na taiga”; e Alba Sánchez Ares, de Santiago de Compostela, por “Bolboretas” —este último, dentro do apartado de menores de 18 anos—. Cada un dos catro recibirá 250 euros de premio.
Ao concurso presentáronse vinte e cinco contos de vinteún autores proce-dentes de toda Galicia. O Xurado estivo composto por Serafín Alonso, Natividade Borrajo, Raquel Feijoo, Marco Valerio Lama, Soedade do Muiño e Benito Losada, como secretario sen voto.
A entrega dos premio farase no mes de xuño, na próxima Feira do Libro, que terá lugar en Ourense. A excepción do Premio Blanco Amor que se entregará en decembro nos actos que se organizan na cidade en lembranza e homenaxe do autor de “A Esmorga”.
La Operación de tráfico 25 de julio 2008 se pone en marcha a las 15.00 horas del 24 de julio y se prolonga hasta la medianoche del domingo 27. La Dirección General de Tráfico destaca que las carreteras con mayor intensidad de tráfico en esta operación en Galicia serán las autopistas y autovías AP-9, A-6, A-52, A-55, y las la carreteras N-550 y la N-634.
Aunque la recuperación de la fachada ocultará su "esplendor" durante el tiempo que permanezcan las obras, la Fundación Barrié de la Maza combinará los trabajos de restauración con visitas guiadas, que permitirán a los visitantes acercarse al Pórtico subidos al andamio, al respecto de lo que el Cabildo agradeció esta "experiencia extraordinaria".
