inicio |
servicios |
opinión |
recetas |
santoral |
especiales |
sugerencias |
webmail |
promociones
Nota de prensa remitida por el Gabinete de Comunicación de la Vicepresidencia da Igualdade e do Benestar de la Xunta de Galicia:
Representantes de Vicepresidencia, Caixa Galicia e Obra Social Caixa Galicia asinaron hoxe en Santiago un convenio para o desenvolvemento e promoción de programas destinados á xuventude, entre os que destaca a difusión do Carné Xove Euro <30. Por parte da Vicepresidencia estiveron a secretaria xeral do Benestar, María Xesús Lago, e o director xeral de Xuventude e Solidariedade, Rubén Cela. Dende Caixa Galicia estivo na sinatura o director da Obra Social de Caixa Galicia, Manuel Aguilar.
Vicepresidencia, a través da Dirección Xeral de Xuventude e Solidariedade, e Caixa Galicia xa veñen colaborando nos últimos anos no mantemento e promoción do Carné Xove Euro <30. Este ano, Caixa Galicia e a obra social Caixa Galicia achegan ata 216.000 euros para esta iniciativa.
Como novidade este ano, ponse en marcha o novo Carné Xove Euro <30, un carné europeo de servizos para a mocidade de entre 12 e 30 anos. Deste xeito, refúndense neste novo instrumento os antigos Carné Xove, que era para mozos e mozas de 12 a 26 anos, e o Carné Máis, para os de 26 a 30 anos. Así unifícanse os dous carnés, o que simplifica os trámites para usuarios e entidades asociadas, ao tempo que se manteñen e melloran todos os servizos e prestacións para os mozos e mozas de entre 12 e 30 anos de idade.
Dende a Vicepresidencia reitérase este compromiso co Carné Xove como unha aposta pola cercanía aos mozos e mozas de Galiza e por coñecer as súas necesidades e expectativas. A secretaria xeral do Benestar destacou ademais que esta ferramenta financeira implica tamén un proxecto por tecer unha rede de entidades e centros que oferten servizos e prestacións con descontos para os mozos e mozas a nivel europeo.
O Carné Xove é un programa europeo no que participan un total de 41 países e todas as comunidades do Estado, co obxectivo de favorecer o acceso a diferentes bens e servizos a través de descontos ou de calquera outra vantaxe, facilitando así unha maior mobilidade en todo o ámbito europeo. Este carné permite, polo tanto, aos seus titulares un acceso privilexiado a diferentes bens e servizos, que abranguen dende o ámbito cultural ao aloxamento, o transporte, os comercios ou o ensino.
O Carné Xove ten unha validez de dous anos dende a data da súa emisión ou ben ata a data en que o mozo ou moza titular cumpra a idade que o exclúa do colectivo ao que se dirixe esta tarxeta. Ademais, se o mozo ou moza ten entre 16 e 30 anos, pode solicitar a tarxeta Visa Electrón Xove, que nunha soa tarxeta une as vantaxes do Carné Xove e unha Visa Electron Caixa Galicia.
En Galiza hai máis de 37.000 mozos e mozas que posúen o Carné Xove e hai máis de 300 centros expendedores deste carné.
Para obter o Carné Xove é preciso cubrir un impreso, acompañado dunha foto de tamaño carné, presentar o DNI e aboar 6 euros. Os lugares nos que se expiden son os servizos provinciais, as oficinas locais de xuventude e as oficinas integradas na Rede Galega de Información e Documentación Xuvenil. No caso do modelo bancario do carné é preciso acudir a calquera oficina de Caixa Galicia.
La Consellería de Cultura e Deporte de la Xunta de Galicia confía en que el congreso internacional Lugares de Cultura. Creatividade para o desenvolvemento, previsto entre el 21 y el 24 de enero, se aproveche para entrender las potenciales que puede tener el complejo del Monte Gaiás como lugar de cultura.
Así calificaba el vicecerrector de la USC Elías Torres la aportación de Voces Ceibes al panorama músico-social de la época que ahora se rememora a través de un concierto-homenaje de su 40 aniversario.
