Opinión en Galicia

¿Son os rapaces, os pais, os mestres ou o sistema os que fracasan?. Porque no proceso da educación da xente nova dun país hai moitos implicados, e cando o fracaso é alto, hai que pararse a pensar nas causas que o producen.

En Galicia, o fracaso na Secundaria cífrase no vintecinco por cento. Exactamente, no 25,1%. Un de cada catro alumnos, non camiña ben no mundo da formación, e se en 2005 a porcentaxe do fracaso estaba no 23,9%, en 2006 aumentou o 1,2%, sendo de todos os xeitos Galicia a sexta comunidade con menos fracaso dentro do Estado español no que o promedio ee fracaso está situado no 30,8%.

Ceuta, Melilla, Comunidade Valenciana, Baleares e Canarias ostentan os peores resultados. As mellores cifran preséntanas Asturias e o País Vasco, con arredor dun desásete por cento.

Que un de cada catro estudiantes fracase, ten que mover ós rectores do mundo da educación a replantearse moitas cousas para ver se o sistema ten algo que ver, e logo os profesores. E de xeito moi especial alumnos e padres implicados, porque cada caso require un plantexamento particular e pode responder tamén a causas moi diversas.

Se vale de algo, aínda que só sexa a efectos sociolóxicos, teñamos en conta que ese 25,1% non afecta por igual a rapaces que a rapazas. Rapazas, só fracasan o 17%. Rapaces, o 33%. Posiblemente sexa unha pista a ter en conta. Porque o problema é grave, e posiblemente del só toman conciencia os que se ven afectados polo fracaso escolar. Ou, se cadra, nin siquiera estes.