Opinión en Galicia

Por moito que os organizadores dunha actividade poñan interese especial en que todo salla ben, os imponderables marcan a súa lei e pode suceder calquera acontecemento inesperado que racha con todo o previsto.

Ocorreu en Santa Cruz do Valadouro, nas terras do norte lucense, onde se celebraba unha feira equina e na que perdeu a vida unha amazona porque, ó parecer, desbocouse o cabalo. De inmediato, os organizadores suspenderon a celebración.

Na capital lucense hai anos organizábase anualmente unha carreira de motos arredor da muralla, que gozaba do aprecio popular xa que desde o primeiro monumento lucense se podía contemplar á perfección a evolución dos corredores pola pista inmediata.

Os temas do tráfico fóronse complicando na cidade, e a carreira trasladouse ó polígono industrial do Ceao. O novo recinto non chegou a consolidarse porque nunha edición a mediados dos anos oitenta morreu un corredor. Non se volveu celebrar a carreira.

Velaquí dous exemplos de imponderables, nos que o ser humano ten un papel importante pero hai outros factores que son totalmente incontrolables, e fronte ós que só cabe reforzar as medidas de seguridade ó máximo, e fiar da sorte.
Canto menos cabos queden sen atar, máis seguridade. Que nunca será absoluta pero proporciona tranquilidade.